أهلا بالبدايات الجميلة :)
0
بيقولوا الكلام الي من القلب بيوصل عالقلب.وهيك رح يكون كلامي
أول شي رح احكي عن سبب إنشائي هالمدونة والهدف منها .
بداية : أنا من لما كنت مراهقة متل أغلب البنات عندي هوس المظهر الخارجي و دائما عم ابحث وأسأل انو كيف بدي أعتني ببشرتي وكيف بدي اهتم بستايلي سواء لبس أو ميك اب
و طبيعي يكون ميول الأمهات مختلف عن الصبايا الصغار مشان هيك صرت ابحث بالإنترنت عن اجدد الستايلات و شو الدارج والموضة ، عفكرة نحنا عنا شح فظيع عربيا من هالناحية بس الحمدلله آخر فترة تحسن الوضع
المهم وخلال رحلة البحث ( أهم شي رحلة ) تعرفت ع التدوين . وهو انو حدا بيوصل تجربتو لشيء معين لكل الناس وحبيت الفكرة واستفدت منها جدا جدا
في مدونات عربيات و اجنبيات استفدت منهم كتير .
و هلء حابة فيد غيري بتجاربي المتواضعة وان شاء الله كون قد هالشي .
الهدف من المدونة هو الاستفادة وان نعرف الشغلات المفيدة من تجارب غيرنا و هالشي بيوفر علينا وقت و جهد و مال .
بالنهاية انا رح انشر الجديد هون و بحسابي ع انستغرام وان شاءالله تكون هالتجربة ناجحة
دمتم بحب ❤
